ლელა მასწავლებლის კლასი

აი ია, აი ია, ნუკრის თვალი სანუკვარი, ​ დღეს პირველად კითხვას ვიწყებ, ​ გამეხსნება ცოდნის კარი. გაკვეთილს საზეიმო ელფერი ჰქონდა,საკლასო გარემო გავალამაზე იისფერი ბუშტებითა და ყვავილებით,დავგეგმე ისეთი აქტივობები,რომელიც საინტერესო და სახლისო იქნებოდა ჩემი პატარებისათვის.გავაცანი ინფორმაცია დედაენის ავტორის შესახებ,ვაჩვენე ბასტი-ბუბუს ვიდეო,წიგიდან დაკარგული ასოები ი და ა ია გოგომ მოგვიყვანა და ერთად მივუჩინეთ ადგილი,დავაკავშირეთ ი-ზე და ა-ზე დაწყებული სურათები ამ ასოებთან,მოსწავლეებმა ღია ბარათებში ჩააწებეს,გამოძერწეს,შეადგინეს პირველი წინადადება ,,აი ია".გაკვეთილზე მოწვეულმა სტუმრებმა შეგვაქეს და წარმატება გვისურვეს.

დეკემბრის თვეში დავიწყეთ საახალწლო სამზადისი.მშობლების ჩართულობით გავალამაზე საკლასო ოთახი,მოსწავლეებმა თავად მორთეს ნაძვის ხე.საახალწლო ღონისძიებისათვის მოვამზადეთ ლექსები,სიმღერები,სიტყვები,ინსცენირება. ზეიმის შემდეგ მშობელთა ინიციატივით მოსწავლეებმა ნახეს ექსპერიმენტორიუმის საახალწლო შოუ.

ჩვენც შევუერთდით წიგნის საჯაროდ კითხვის დღეს.გამოვიყენე აქტივობა,,დიდი წიგნების ერთობლივი კითხვა"წავიკითხეთ,,კუ და კატა"აქტიურად ჩაერთნენ მშობლებიც.ბავშვებს წაუკითხეს წიგნები.ამის შემდეგ მოსწავლეებს სათითაოდ დავურიგე პატარა წიგნები,მათ დაათვალიერეს, ამოიკითხეს წინადადებები.გამოთქვეს აზრი წიგნის,ილუსტრაციების შესახებ.

თებერვლის თვეში,ვირუსული ინფექციების ფონზე ინგა ექიმის სტუმრობა ჩვენს კლასში და მისი დარიგებების მოსმენა,ნამდვილად,კარგი გაკვეთილი აღმოჩნდა ჩემი პატარებისათვის.მოსწავლეებმა ინგა ექიმს გაუზიარეს ბუნების გაკვეთილზე მიღებული ცოდნა წამლებისა და ჯანსაღი ცხოვრების წესის შესახებ,ინგა ექიმი კი ბავშვებს ესაუბრა გადამდები ინფექციებისა და მისგან თავდაცვის საშუალებებზე,ვიტამინებზე,ხელების ხშირად დაბანაზე. თებერვალში, ანბანის დასრულება აღვნიშნეთ სკოლის ბიბლიოთეკაში პირველი სტუმრობით.მოსწავლეებს ქეთი მასწავლებელმა უმასპინძლა,გააცნო ბიბლიოთეკით სარგებლობის წესები,სად  იყო განთავსებული საბავშვო წიგნები,ბავშვებმა სიხარულით ამოარჩიეს წიგნები,დაათვალიერეს,ქეთი მასწავლებელმა მათ სიმბოლურად წიგნები დაურიგა.ძალიან კმაყოფილები დავბრუნდით ჩვენს საკლასო ოთახში.

დისტანციური სწავლების სირთულეების ფონზე,მაინც მოვახერხეთ მნიშვნელოვანი დღეების შესახებ აქტივობების განხორციელება.მოსწავლეებს ონლაინ გაკვეთილზე გავაცანი ამ დღეებთან დაკავშირებული პრეზენტაციები და მათგანაც მივიღე უკუკავშირი ნახატების სახით.

ახალი,უჩვეულო და მოულოდნელი გამოწვევა იყო მასწავლებლებისათის,მოსწავლეებისათვის და მათი მშობლებისათვის დისტანციური სწავლება.ვაღიარებ,რომ განსაკუთრებული სირთულე პირველკლასელებისათვის აღმოჩნდა,რადგან სწავლა-სწავლებამ,რომელიც,ისედაც რთულია პირველ კლასში,საკლასო ოთახიდან და რეალური ურთიერთობიდან სახლში,კომპიუტერის ეკრანზე გადაინაცვლა. მშობელთა ჩართულობით,ბავშვებიისა და ჩემი მონდომებით, გადავლახეთ ეს რთული პერიოდი და უამრავი საინტერესო დავალება,ნახატი და ვიდეო  დაგვიგროვდა.